കോഴിക്കോട്: കഴിഞ്ഞ 43 വർഷമായി മലയാള മാധ്യമ രംഗത്ത് രാഷ്ട്രീയ പക്വതയോടെ പ്രവർത്തിക്കുന്ന രിസാല ക്യാമ്പയിൻ തുടക്കമായി.
‘നോ മോർ സ്ലോപ്പ്’ എന്ന ശീർഷകത്തിൽ ഡിജിറ്റൽ വിവര വിനിമയകാലത്തെ നിരൂപണാത്മകമായി സമീപിക്കുന്ന ക്യാമ്പയിൻ കാലം ഇന്ത്യൻ ഗ്രാൻഡ് മുഫ്തി കാന്തപുരം ഉസ്താദ് വരിചേർന്ന് ഉദ്ഘാടനം ചെയ്തു.

സംസ്ഥാനത്തെ വിവിധ രാഷ്ട്രീയ സാംസ്കാരിക സാമൂഹിക നേതൃത്വങ്ങൾ ഇതിനോടകം വരിക്കാരായി. ആയിരക്കണക്കിന് സാഹിത്യപ്രചാരകരെ കൂടി സൃഷ്ടിക്കുന്ന മലയാളത്തിന്റെ ഒരു വലിയ സാംസ്കാരിക കാലം കൂടിയാണ് രിസാലക്കാലം. പഠനങ്ങൾ, ചർച്ചകൾ പ്രഭാഷണങ്ങൾ തുടങ്ങി വിവിധങ്ങളായ പരിപാടികൾ ക്യാമ്പിന്റെ ഭാഗമായി നടക്കും.