മലപ്പുറം: ഹയർസെക്കണ്ടറി സ്കൂളുകളിൽ എസ് എസ് എഫ് സംഘടിപ്പിക്കുന്ന ഫർഹതൈൻ ഇഫ്താർ സംഗമത്തിൻ്റെ സംസ്ഥാന ഉദ്ഘാടനം മലപ്പുറം ജില്ലയിലെ കക്കോവ് പി.എം.എസ്.എ. പി.ടി.എച്ച്.എസ്.എസ് സ്കൂളിൽ വെച്ച് നടന്നു. എസ്.എസ്.എഫ് സംസ്ഥാന ഫിനാൻസ് സെക്രട്ടറി മുഹമ്മദ് അനസ് അമാനി ഉദ്ഘാടനം നിർവഹിച്ചു. വെള്ളിയാഴ്ച നടന്ന സംഗമത്തിൽ ഹയർസെക്കണ്ടറി കൺവീനർ ടി.കെ മുഹമ്മദ് റമീസ് , ഡയറക്ടറേറ്റ് അംഗം ഇസ്മാഈൽ തിരൂരങ്ങാടി, ജില്ലാ സെക്രട്ടറി ഹകീം ബുഖാരി, ഡിവിഷൻ സെക്രട്ടറി സുഹൈൽ വാഴയൂർ വിദ്യാർഥികളോട് സംവദിച്ചു. വരും ദിവസങ്ങളിൽ കേരളത്തിലെ മുഴുവൻ ഹയർസെക്കണ്ടറി സ്കൂളുകളിലും ഇഫ്താറുകൾ നടക്കുമെന്നും വിദ്യാർത്ഥികളുടെ ആത്മീയവും ധാർമ്മികവുമായ വളർച്ചയ്ക്ക് ഇത്തരം സംഗമങ്ങൾ കരുത്തുപകരുമെന്നും നേതാക്കൾ അഭിപ്രായപ്പെട്ടു.