കോട്ടക്കൽ : കേരള മുസ്ലിം ജമാഅത്ത് സംസ്ഥാന കമ്മിറ്റിയുടെ നേതൃത്വത്തിൽ ജനുവരി 1-17 കാലയളവിൽ നടക്കുന്ന കേരള യാത്രയുടെ ഭാഗമായി എസ് എസ് എഫ് സംഘടിപ്പിക്കുന്ന ഹയർസെക്കണ്ടറി വിദ്യാർത്ഥി സമ്മേളനം സ്റ്റുഡൻസ് ഗാല സമസ്ത സെക്രട്ടറി പൊന്മള അബ്ദുൽ ഖാദർ മുസ്ലിയാർ പ്രഖ്യാപിച്ചു. “നോ ക്യാപ്, ഇറ്റ്സ് ടുമോറോ” എന്ന പ്രമേയത്തിൽ നവംബർ 15 – 30 കാലയളവിൽ സംസ്ഥാനത്തെ 18 കേന്ദ്രങ്ങളിലാണ് സ്റ്റുഡൻസ് ഗാല സംഘടിപ്പിക്കുന്നത്.

സ്റ്റുഡൻസ് ഗാലയുടെ അനുബന്ധമായി ജില്ലകളിൽ ‘ഡി-കോർ’ സ്റ്റുഡൻസ് കേഡർ അംഗങ്ങളുടെ സംഗമം, സ്കൂളുകളിൽ വിദ്യാർത്ഥികളുടെ നേതൃത്വത്തിൽ വ്യത്യസ്ത സേവന പ്രവർത്തനങ്ങൾ, ഡിവിഷനിൽ എസ്-കോഡ് അംഗങ്ങളുടെ സംഗമം, ഹാൻഡ് ഓഫ് കൈൻ്റ്, ടീ വിത്ത് ടീൻ, ഗാല ബീറ്റ്, ഹൈ-ഫൈ തുടങ്ങി വ്യത്യസ്ത പ്രചരണ പദ്ധതികൾ നടക്കും.

ജനറേഷൻ സ്പീക്ക് എന്ന പേരിൽ സംഘടിപ്പിക്കപ്പെട്ട പ്രഖ്യാപന സമ്മേളനത്തിൽ എസ്. എസ്. എഫ്. സംസ്ഥാന പ്രസിഡൻ്റ് സയ്യിദ് മുനീർ അഹ്ദൽ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ഡോ. അബൂബക്കർ പ്രമേയാവതരണം നടത്തി. സംസ്ഥാന ഫിനാൻസ് സെക്രട്ടറി അനസ് അമാനി വിദ്യാർത്ഥികളോട് സംവദിച്ചു. സംസ്ഥാന സെക്രട്ടറി എസ് ഷമീർ,കൺവീനർ ടി കെ മുഹമ്മദ് റമീസ്, അനീസ് കടമത്ത് സംസാരിച്ചു. വിവിധ ജില്ലകളിൽ നിന്നായി ജില്ലാ, ഡിവിഷൻ സെക്രട്ടറിമാരും ഹയർ സെക്കണ്ടറി വിദ്യാർത്ഥികളും പ്രതിനിധികളായി പങ്കെടുത്തു.